帝苑酒店 x ALBION「花果．美肌下午茶」

帝苑酒店經常同唔同護膚品牌聯乘推出下午茶，今次就同ALBION合作推出「花果．美肌下午茶」，入面嘅茶點完全係啱曬我口味！因係係以越南菜做主題㗎，聽到都心心眼喇💓 甜點包括茉莉花茶果凍、焗葡萄乾鬆餅、青蘋果忌廉芝士慕絲、蝴蝶酥、芒果腸粉同朱古力慕絲配柑桔撻～而咸點包括越式蒸粉包、櫻花蝦扎肉越南青木瓜沙律、西貢春卷同香蒜牛油燒大蝦✨ 我覺得最精彩非 "迷你蝦頭油海鮮番茄湯河粉" 莫屬 (餐牌寫米線，應根據情況供應粉麵種類) 當中有獨特嘅海鮮香氣，濃郁得嚟完全唔覺得油膩。而濃稠嘅番茄湯剛好可以令河粉吸滿湯汁，湯汁完全包住河粉，蝦頭油🦐更加係畫龍點睛，蝦味又濃又鮮，入口份外滿足！ 飲品我哋揀咗越式椰子三重奏同椰汁紅豆冰。惠顧「花果．美肌下午茶」仲可以獲贈ALBION INFINESSE賦活彈力系列體驗裝一份。話就話體驗裝，但絕唔係普通幾包sample仔，份量都幾多的。有得食又有得護膚，身心滋潤唔少呀真係～ #下午茶 #米線 #越南菜 #越南 #wanchai #foodhk #帝苑酒店 #相機食先 #食食食 #hkgirl #hkfood #尖東 #hkfoodie #打卡 #三層架 #尖沙咀美食 #hkfoodblogger #foodiehk #foodphotography #港女下午茶 #hkdessert #afternoonteahk #likeforlike #852food #desserthk #foodstagramhk #foodpornhk #港女tea (此文章由U Blog 同步發佈至社群)